Segundu semestre del ciclu La Reciella de la Factoría

La Estaya de la Llingua, en collaboración cola asociación Reciella Families pol Asturianu, entama otra vegada más el ciclu La Reciella de la Factoría, que se correspuende col segundu semestre del añu, siguiendo col proyeutu qu’aniciare hai seis años.

Van ser dos representaciones, una al mes nos meses d’ochobre y payares, qu’incluyen un cuentacuentos y un cuentacuentos musical con protagonistes y histories sorprendentes, contaes y cantaes en llingua asturiana.

Les dos representaciones son nel espaciu escénicu de la Factoría Cultural, a les 19:00 hores, con entrada llibre y de baldre hasta completar aforu.

Nun se va poder entrar na sala n’entamando la representación.

Ciclu

vienres, 18 d’ochobre

Elles tamién cuenten, con Olga Cuervo; cuentacuentos con personaxes femeninos como protagonistes d’histories escrites por autores asturianes.

vienres, 15 de payares

Los viaxes del Ratu Roller, con David Varela; cuentacuentos musical que protagoniza un ratón que va viaxando per distintos sitios carauterísticos de construcciones asturianes, como  la corrada o el molín, ente otros.