Día de la llingua materna
Compartir
En 2000, la UNESCO declaró’l 21 de febreru Día Internacional de la Llingua Materna, n’alcordanza del Movimientu pola Llingua Bengalí y de los derechos etnollingüísticos de los pueblos de tol mundu.
En formándose l’estáu de Pakistán en 1947, les sos dos rexones, Pakistán Oriental (tamién nomáu Bengala Oriental) y Pakistán Occidental espardíense per aries xeográfiques y culturales distintes. En 1948 el Gobiernu de Pakistán impuso l’urdú como la única llingua nacional, creciendo les protestes ente la mayoría de fala bengalí del Pakistán Oriental
El gobienu anuló’l derechu a aconceyase, prohibiendo les concentraciones públiques, porque tenía de solucionar el xurdimientu de tensiones relixoses y el descontentu xeneral pola llei nueva. Los y les estudiantes de la Universidá de de Dhaca y otros activistes políticos desafiaron la prohibición y organziaron una protesta’l 21 de febreru de 1952. El movimientu algamó’l cumal esi mesmu día, en matando la policía a dos manifestantes universitarios.
Estes muertes provocaron l’españíu nel pueblu d’una revuelta na que la Lliga Awani yera la cabezalera. Dempués de munchos años de conflictu, el gobiernu central cedió, dándo-y calter oficial al idioma bengalí en 1956.
La Estaya de la Llingua, xunto cola conceyalía d’Educación del Conceyu d’Avilés, organiza pa esti día varies sesiones de bebecuentos musicales nes Escules Infantiles de 0 a 3 años, dependientes del Conceyu.
Les sesiones corren a cargu de l’actriz Ana Morán y del músicu David Varela.
Horarios y centros:
- Día 21, 09:45 h.• Escuela Infantil de La Madalena
- Día 21, 10:45 h • Escuela Infantil de La Toba
- Día 22, 10:30 h • Escuela Infantil d’El Quirinal
