Programación de ‘La Reciella de la Factoría’ pal primer semestre del añu 2019

La Reciella de la Factoría, actividá qu’organiza la conceyalía de Cultura d’Avilés per aciu de la Estaya de la Llingua pa poder averar y normalizar l’usu de la llingua asturiana d’una manera prestosa a neños y neñes y el públicu familiar, yá tien la so programación preparada pal primer semestre del añu 2019. Son cuatro propuestes, con un protagonismu especial pa la música, y qu’incluyen teatru, marionetes y cuentacuentos, una al mes, dende febreru hasta mayu.

Programación

vienres, 1 de febreru

Bestiariu (esbilla acústica), conciertu en pequeñu formatu de la coleición de discos Bestiariu, producidos pola Fabriquina. Interpretáu por Alicia Álvarez, impulsora del proyeutu, cantante y guitarrista de Pauline en la Playa y David Varela, músicu de varios grupos como La Bandina, La Bonturné o El Koku la Manzana.

vienres, 15 de marzu

Nun quiero ser princesa , cuentacuentos con Ana Morán.

Les neñes nun siempre quieren ser princeses, nin vistise de rosa. Hai otres coses que-yos presten más, ven a descubriles.

vienres, 5 d’abril

El viaxe d’Irina de Dominique Vernay, cuentacuentos musical, con Olga Cuervo y David Varela.

Con marionetes y música en direutu vamos conocer la historia d’una “matriuska”, Irina, que sal del bandullu de les sos collacies pa dir de viaxe.

Vienres, 24 de mayu

Hamsel y Gretel, Higiénico Papel Teatro

Premiu Nel Amaro de Teatru Profesional en Llingua Asturiana, 2018.

Adautación del cuentu clásicu de los hermanos Grimm.

Hora: 19:00 h.

Sitiu: espaciu escénicu de la Factoría Cultural d’Avilés

Avenida de Portugal n^u 13

Nun se va poder entrar na sala n’entamando la representación

La entrada ye llibre y de baldre hasta completar aforu