Talleres de creatividá nos Centros Culturales ‘L’arte nes nueses manes’

La Estaya de la Llingua entama tres talleres de creatividá pa neñes y neños de 6 a 10 años. Lleven el títulu de L’arte nes nueces manes y van facese nos centros socioculturales municipales de La Xungarosa / El barrio de La Luz, La Carriona y Los Canapés.

La escritora y ilustradora Susana Sela va ser la encargada de dalos.

Hai 25 places pa cada taller y tendrán una duración de dos hores caún (dende les 17:00 hasta les 19:00 hores).

Les neñes y les neños que quieran apuntase tendrán de facelo nes biblioteques de cada centru sociocultural.

Los talleres van ser los díes que vienen darréu:

•      Vienres 28 de setiembre na Biblioteca de La Xungarosa/El barrio de La Luz

•      Viernes 19 d’ochobre na Biblioteca de La Carriona

•      Viernes 30 de payares  na Biblioteca de Los Canapés