Día de les Lletres Asturianes

L’Academia de la Llingua celebra güei los actos del Día de Les Lletres Asturianes nel Teatru Campoamor d’Uviéu a les 20:30. L’entamu musical correspuénde-y a Jose Manuel Collado, cola tonada y a Óscar Fernández González a la gaita. Dempués celebraráse la xunta estraordinaria d’académicos, cola acoyida del nuevu académicu d’honor a Jose Ramón Morala Rodríguez y la reconocencia a Jose Luis Rubiera, “Chechu Rubiera”. Tres del discursu institucional de la presidenta de l’Academia, Ana María Cano, lleeráse una esbilla de poemes pa finar cola actuación musical del grupu Xera.