II Concursu de Narraciones Curties Conceyu de Piloña

El Conceyu de Piloña, el periódicu del oriente El Fielato y la Caxa Rural convoquen el II Concursu de Narraciones Curties Conceyu de Piloña. Les obres que se presenten han tar escrites n’asturianu. El premiu pal trabayu ganador ye de mil euros y de setecientos pal segundu. Los testos tienen que ser orixinales y que nun tean espublizaos nin se premiaren n’otros concursos. El plazu de presentación ye hasta’l 12 de xunu, na Conceyalía de Cultura del Conceyu de Piloña. El fallu daráse a conocer ente’l 12 y el 19 de xunetu. La entrega’l premiu va facese’l 24 de xunetu a les 20.00 hores na Casa la Cultura.