Proyeición del documental “Os reises d’El Valledor-Mazcaraes d’Iviernu n’Asturies”
19 Avientu, 2013
Compartir
PROYEICIÓN DEL DOCUMENTAL “OS REISES d’EL VALLEDOR-MAZCARAES D’IVIERNU N’ASTURIES”
El xueves 19 d’avientu, a les 19 hores, va proyeutase nel Aula 2 del Centru Sociocultural de Las Vegas/Les Vegues el documental Os reises d’El Valledor.
Nesti trabayu documéntase una de les poques mazcaraes d’iviernu esistentes n’Asturies, nesti casu de resultes de la recuperación fecha pol grupu Vezos Astures. Les mazcaraes d’iviernu foron un fechu xeneralizáu en toa Asturies hasta la Guerra Civil, produciéndose como ritu de pasu dientro del ciclu agrariu, desenvolviéndose nel periodu temporal que va de la Navidá al Antroxu.
Esta actividá ye de calter gratuitu y abierta al públicu en xeneral.
