XII Concursu de cuentos curtios del Conceyu Cangas
Compartir
XII CONCURSU DE CUENTOS CURTIOS DEL CONCEYU CANGAS
A partir del día 4 de payares toles persones interesaes en participar nel XII Concursu de cuentos curtios del Conceyu Cangas, pueden ponese al llabor de preparar los sos orixinales.
El concursu cuentos, que fai esti añu la so edición doce, premia les meyores obres escrites n’asturianu estándar y occidental, pudiendo presentase a él cualquier persona mayor de 16 años. Les obres tienen que tener cinco fueyes como mínimu y venti como muncho, han ser orixinales, anónimes y tar escrites a espaciu doble en formatu DIN A-4.
El plazu pa presentar orixinales acaba’l día 5 d’avientu.
El xuráu, que se xuntará a mediaos d’esi mes, va tar formáu pola responsable del Serviciu de Normalización L.lingüística, por personal del Aria de Cultura del Conceyu Cangas, por un/a representante de la Rede de Normalización Llingüística nos Conceyos, por maestros/es y escritores/as en llingua asturiana.
