XXXV Día de les Lletres Asturianes

L’Academia de la Llingua celebra güei los actos del XXXV Día de Les Lletres Asturianes nel Teatru Campoamor d’Uviéu a les 20:30. L’entamu musical correspuénde-y a Jesús Fernández, a la gaita. Dempués celebraráse la xunta estraordinaria d’académicos y académiques, cola acoyida de les nueves académiques de númberu Carmen Muñiz Cachón y Cristina Valdés Rodríguez. Tres del discursu institucional de la presidenta de l’Academia, Ana María Cano, lleeráse una esbilla de poemes pa finar cola actuación musical del grupu Felpeyu.