Nuevu númberu de la revista lliteraria Formientu
16 Xunu, 2009
Compartir
La editorial La Cruz de Grau y Xareos! Xestión Cultural vien d’asoleyar el númberu cinco de la revista lliteraria Formientu, una publicación que busca espublizar la obra de les nueves promeses de les lletres asturianes. La revista presentaráse n’Avilés el día 24 de xunu a les 20:00 n’El Cafetón, el 25 de xunu en Grau na Casa la Cultura a la mesma hora y n’Uviéu el 2 de xunetu tamién a les 20:00 nel Club de la Prensa Asturiana.
La revista ñació nel añu 2006 dirixida por Inaciu Galán. Agora la revista estrena Conseyu de Redaición de la mano de la filóloga y escritora Laura Marcos, como coordinadora, l’editor César García Santiago y l’escritor Benxa Pérez.
