Ciclu Díes Especiales del añu: Día Internacional de la Muyer

Díes 7 y  8 de marzu. Les actividaes tán reallacionaes cola figura de la pintora avilesina, Obdulia García Díaz.

Día: 7 de marzu Hora: 12:00 Sitiu: Salón d’actos del Centru Sociocultural de Los Canapés

Charra pa los centros educativos de Secundaria y Bachillerato y públicu en xeneral sobre esta pintora avilesina, pa que la xente más mozo conoza la so vida y la encume, porque foi la primer muyer avilesina que tuvo’l títulu superior de Belles Artes y que, magar de toles dificultaes (Revolución del 34, Guerra Civil) salió p’alantre pola so valía y exerció como profesora en varies especialidaes, al tiempu que siguió desenvolviendo la so capacidá creativa de la que tovía güei podemos disfrutar. Un exemplu de fuerza, capacidá y valor.  La charra va impartila l’académicu de la Llingua Asturiana, biólogu y dibuxante, Miguel Solís Santos
Nesti mesmu actu, estrenaráse’l documental  Obdulia: La llamada l’arte,  encargáu pola Estaya de la Llingua sobre la figura d’Obdulia García, onde se podrá facer un repasu pela so vida y obra

Día 8 de marzu Hora: 00:00 Xubida del documental Obdulia: La llamada l’arte, a les redes sociales del Conceyu d’Avilés, na web de la Estaya (www.llinguaviles.com), web del Conceyu d’Avilés (www.aviles.es), y na plataforma dixital Playpresta.  Ver documental