Conferencia <>, pol doctor n’Artes Escéniques, Antón Caamaño

La Estaya de la Llingua, fai un brinde al públicu interesáu pa participar na conferencia entitulada Bases pa la creación d’un corpus de teatru asturianu, que va dar el primer  doctor n’Artes Escéniques ñacíu n’Asturies, Antón Caamaño Vega. En llingua asturiana y na Universidá de Vigo, Antón Caamaño, actor, direutor y cofundador del grupu de teatru Nun Tris, presentó’l mes de febreru pasáu, la so tesis doctoral, dedicada a analizar la situación del teatru asturianu y na que defiende la creación d’un centru dramáticu rrexonal col que se podríen entamar iniciatives, como la creación d’un archivu de documentación escénica, un ente que cuidara del patrimoniu escénicu, ctalogándolu, desarrollándolu y tamién ayudando a espardelu.

Esta tesis doctoral, calificada con Sobrasaliente cum laude, ye una de les poques a nivel nacional, defendida en llingua asturiana y qu’agora, el primer doctor n’Artes Escéniques, ñacíu n’Asturies, nos trae p’Avilés, con motivu de la celebración, el 27 de marzu, del Día Mundial del Teatru.

Día: 29 de marzu

Hora: 19:30 h

Sitiu: Palaciu de Valdecarzana d’Avilés