Día Internacional de la Llingua Materna

El Día Internacional de la Llingua Materna proclamólu la UNESCO nel añu 2000 y celébrase dende esa fecha cada 21 de febreru pa recordar lo importante que ye protexer y puxar pol multillingüismu.

Esti añu, la conmemoración tien el lema d’Educación de calidá, llingües d’enseñanza y resultaos d’aprendizaxe. La intención ye la de dexar llantada la importancia de tolos idiomes y n’especial de les llingües maternes p’algamar una educación de calidá; poro, La Estaya de la Llingua xunto cola Conceyalía d’Educación del Conceyu d’Avilésl, entama pa esti día varies sesiones de cuentacuentos nes Escueles Infantiles de 0-3 años, dependientes del Conceyu d’Avilés. Los bebecuentos corren a cargu del monologuista y actor avilesín, Carlos Alba.

Horarios y centros:

Día 21, 10:00 h, primer sesión E.I. d’El Quirinal

Día 21, 10:30 h, segunda sesión E.I. d’El Quirinal

Día 22, 10:00 h, E.I. de La Toba

Día 22, 11:00 h, E.I. La Madalena