Enramando fontes: agua y tradición

La Conceyalía de Normalización Llingüística dende la Estaya de la Llilngua fai un
brinde pa celebrar el solsticiu de veranu con una costume mui tradicional como ye
l’enramáu de les fontes de raigañu d’Avilés, cola participación de grupos folclóricos,
asociaciones vecinales y culturales con música, representaciones teatrales, y bailles

A lo llargo d’esos dos díes y en diferentes puntos de la ciudá actuarán
los grupos de pandereteres y de baille ‘Escontra’l Raigañu’ y ‘Ximielga la saya’.
Habrá interpretaciones de dances, bailes y coples compuestes específicamente pa
esti día propios d’esta época de solsticiu na que l’agua, les plantes y les flores, y les
tardes llargues cola lluz del sol garren un papel mui especial.

Tamién habrá una representación teatral nes cais pa esplicar al públicu la tradición
del enramáu de les fontes y significáu del agua nesti tiempu Sedrá cola participación
de l’actriz Ana Morán y el músicu David Varela.

La representación teatral sedrá’l sábadu 20 de xunu entamando a les 19 hores
na Plaza España, y los grupos, Escontra’l Raigañu y Ximielga la Saya dirán
desfilando con música y cantando coples tradicionales d’Avilés en cada fonte
enramada: Rivero, Caños de San Francisco y Doña Rolindes (C/ La Fruta).

Horarios, participantes y fontes pa enramar

NOME DE L’ASOCIACIÓN: Asociación de Vecines, Comerciantes y
Industriales Pedro Menéndez
FONTES A ENRAMAR: Fonte de los Caños de San Francisco y Fonte de Doña Rolindes (La Fruta)
FECHA D’ENRAME: 19 de xunu
HORARIU D’ENRAME: De 15:00 a 22:00 hores

NOME DE L’ASOCIACIÓN: Asociación Cultural “Los Caños de Rivero”
FONTE A ENRAMAR: Fonte de Los Caños de Rivero
FECHA D’ENRAME: 19 de xunu
HORARIU D’ENRAME :19:00 hores

NOME DE L’ASOCIACIÓN: Asociación Cultural SABIA NUEVA
FONTES A ENRAMAR: Fonte de la Plaza la Merced y Fonte/Caño de la Plaza del Carbayo.
FECHA D’ENRAME: 20 de xunu
HORARIU D’ENRAME: Dende les 20:00 hores

NOME DE L’ASOCIACIÓN: Compaña L’ASOLEYADA
FONTES A ENRAMAR: Fonte de Los Caños de Rivero, Fonte de los Caños de San Franciscos y Fonte de Doña Rolindes (La Fruta).
FECHA D’ENRAME: 19 de xunu
HORARIU D’ENRAME: Ente les 15:00 a 22:00 hores