Cargando

Testu a buscar

Noticies

Taller de cómic na Biblioteca de La Xungarosa del Conceyu d’Avilés, por Ruma Barbero

Compartir

La Estaya de la Llingua, en collaboración cola Rede de Biblioteques del Conceyu d’Avilés, entama’l segundu taller de cómic, de los tres previstos nesti primer semestre del añu.

Tien de desarrollase na Biblioteca de La Xungarosa/El Barrio de La Luz, el día 13 de mayu a les 17:30 hores y va dalu’l dibuxante asturianu, Ruma Barbero.

Pensáu pa neños y neñes a partir de seis años.

El taller ye de baldre, con 20 persones como muncho. P’apuntase hai de facelo na Biblioteca de La Xungarosa/El Barrio de La Luz, n’horariu de llunes a vienres de 11:00 a 13:30 h  y de 16:00 a 20:30 h.

Ruma Barbero (Gijón/Xixón, 1971)

Ye dibuxante de cómic y músicu, llicenciáu en Belles Artes, na especialidá d’Escultura, pola Universidá de Salamanca.

Funda en 1991 el grupu musical Felpeyu, xunto col tamién dibuxante Igor Medio, como percusionista. Nel tarrén musical collabora tamién col grupu Los Ciquitrinos.

En 1996 funda xunto con Ígor Medio, Javi Rodríguez, Andrea Parissi y Son, la editorial Cactus Comics, que se dedicó a espublizar títulos destacos del cómic asturianu.

Ente los diferentes llabores que fizo y que fai, ta tamién la de profesor d’Educación Secundaria, diseñador gráficu, destacando los sos trabayos nes carátules de discos pa grupos de folk asturianos (La Bandina, Felpeyu, Verdasca, tuenda, etc) y escritor de novela gráfica.

Premios

Premiu Comarca de la Sidra 2003 de Cómic n’Asturianu por Marcianaes
Premiu  Alfonso Iglesias 2009, de Cómic n’Asturianu de la Conseyería d’Educación, Cultura y Deporte del Principáu d’Asturies por Manzajú.
Premiu al Meyor Llibru n’Asturianu, dau pola Tertulia Malory 2012 por La Chelita
Premiu Alfonso Iglesias 2015, de Cómic n’Asturianu de la Conseyería d’Educación, Cultura y Deporte del Principáu d’Asturies por El Viaxe a la Lluz.
Ver cartel

Dexe un comentariu

Your email address will not be published. Required fields are marked *