XIII Xuntes d’Escolines y Escolinos d’Avilés
Compartir
El día 3 de mayu l’auditoriu del Centru Cultural Internacional Oscar Niemeyer acueye les actividaes de les XIII Xuntes d’Escolines y Escolinos d’Avilés, a les 10:30 hores. Esti añu dedíquense a La mar y el puertu d’Avilés.
La participación prevista ye de 723 escolinos y escolines de 10 centros educativos d’Avilés xunto col CRA Castrillón-Illas que participa a nivel particular.
Ente les actividaes que se van amosar pa esi día, habrá l’estrenu d’abondes representaciones, recitales de poesía y canciones. Esta puesta en común ye’l resultáu del trabayu d’estos meses nos talleres que la compañía teatral Nun Tris dio nos mesmos centros.
Una novedá ye qu’el cartel d’esti añu foi obra de Jorge Vega López, ganador del Primer Concursu de Carteles, col tema enantes nomáu.
Los IES, participaron con trabayos en diferentes formatos, resultando ganador el trabayu presentáu pol cursu de segundu de bachilleratu del IES Nº 5 d’Avilés.
La entrega de premios sedrá’l día 10 de mayu a les 17:00 hores nel Salón de Receiciones de la Casa Conceyu del Ayuntamientu d’Avilés.
Ver pdf col cartel
