V Concursu de Rellatu Curtiu L’Horru del Carbayedo

Pablo Rodríguez Medina ye’l ganador del V Concursu de Rellatu Curtiu L’Horru del Carbayedo d’Avilés col trabayu entituláu Pol amor d’una muyer. El premiu ta dotáu con 400 euros y troféu. El finalista foi pa Víctor Suárez Piñero col rellatu Vaya peles ánimes, al que se-y conceden 200 euros y placa.

Yá ye’l quintu añu que l’asociación vecinal L’Horru del Carbayedo entama’l concursu, dientro del día nomáu d’asturianía. Nesta edición presentáronse cuarenta y tres rellatos, superando en cantidá y calidá los d’ediciones anteriores.